ហាងកាហ្វេដែលទើបនឹងបើកថ្មីនៅទីក្រុងភ្នំពេញមួយ កំពុងលើកកម្ពស់និងលើកទឹកចិត្តដល់សហគមន៍គថ្លង់របស់ប្រទេសកម្ពុជា។ មានឈ្មោះថា Socials មានទីតាំងនៅក្នុងអគារនៃធនាគារ PPCBank តាមបណ្តោយមហាវិថីព្រះមុន្នីវង្ស គឺជាហាងតែមួយដែលផ្តោតសំខាន់លើការរកបុគ្គលិកពីសមាគមន៍អ្នកគថ្លង់ ដែលក្នុងចំណោមបុគ្គលិកទាំង៧របស់ហាងនេះ មាន៣នាក់ជាមនុស្សគថ្លង់។ ស្ថាបនិករបស់ហាងកាហ្វេលោក Swapnil Deshmukh មានបំណងពង្រីកសាខានិងដំណើរការរបៀបនេះនៅកន្លែងផ្សេងៗទៀតក្នុងទីក្រុង និងក្នុងប្រទេសកម្ពុជា។
បុគ្គលិកភាគច្រើនត្រូវបានជ្រើសរើសដោយ ហាងកាហ្វេសង្គមនិងមនុស្សធម៌ សុទ្ធតែបានបញ្ចប់ការសិក្សាពីកម្មវិធីអភិវឌ្ឍន៍មនុស្សគថ្លង់(DDP) ដែលជាកម្មវិធីបណ្តុះបណ្តាលរយៈពេល២ឆ្នាំដោយមិនគិតប្រាក់ចំណេញដែលបង្រៀនមនុស្សគថ្លង់អាយុចាប់ពី១៥ឆ្នាំឡើងទៅពីរបៀបប្រើប្រាស់សញ្ញាកាយវិការមុននឹងឲ្យការងារដែលផ្តល់ឲ្យដោយដៃគូសហការឯកជនរបស់សមាគមន៍នេះ។
ការសហការរវាងហាងកាហ្វេនិងធនាគារជាលើកដំបូង នឹងផ្តល់ឱកាសឲ្យហាងកាហ្វេ Socials ពង្រីកសាខាទៅតាមទីតាំងសាខារបស់ធនាគារណាដែលអាចទាក់ទាញភ្ញៀវបាន។ លោក បានបន្ថែមថា ក្រុមហ៊ុនកំពុងស្វែងរកដៃគូសហការផ្សេងៗនៅក្នុងប្រទេសកម្ពុជា រួមទាំងការិយាល័យធ្វើការរួម ដើម្បីអភិវឌ្ឍន៍ម៉ាកយីហោរបស់ក្រុមហ៊ុន។
ក្រៅពីគោលដៅនេះ ហាង Socials ក៏ផ្តល់ជូនភេសជ្ជៈប្លែកៗដែលនាំមកតាមរយៈបទពិសោធន៍របស់លោក Deshmukh នៅក្រៅប្រទេស។ ភេសជ្ជៈដែលពេញនិយមជាងគេគឺ Iced Coconut Latte, Avocado Espresso and Iced Hazelnut Latte។
|