ក្រុមហ៊ុនម៉ុងរិទ្ធីគ្រុប និង Yamamoto Rock Products Co Ltd បានចុះហត្ថលេខាលើកិច្ចព្រមព្រៀងមួយដើម្បីស្ថាបនាគន្លងផ្លូវឡានប្រណាំងក្នុងខេត្តកំពង់ស្ពឺ ដែលគេរំពឹងទុកថានឹងបើកសម្ភោធក្នុងពាក់កណ្តាលឆ្នាំ២០១៩។
គន្លងនេះនឹងគ្របដណ្តប់លើផ្ទៃដី២២,៦៨ហិចតាក្នុងខេត្តកំពង់ស្ពឺ ស្រុកសំរោងទង ដែលវានឹងក្លាយជាគន្លងធំបំផុតក្នុងពិភពលោក នេះបើយោងតាមក្រុមហ៊ុនម៉ុងរិទ្ធីគ្រុប។ យោងតាមប្រភពបានឲ្យដឹងថា ផ្លូវប្រណាំងនេះនឹងធ្វើឲ្យចំណងមិត្តភាពជប៉ុន និងកម្ពុជាកាន់តែជិតស្និទ្ធ។ ជាងនេះទៅទៀត វាក៏នឹងទាក់ទាញដល់អ្នកចូលចិត្តប្រណាំងឡានជុំវិញពិភពលោក និងជម្រុញដល់វិស័យទេសចរណ៍កីឡារបស់ប្រទេសនេះផងដែរ។
|