|
ក្រុមហ៊ុនសឹង្ហបូរីមួយកំពុងសំលឹងការផ្លាស់ប្តូរមុខមាត់នៅអាស៊ីអាគ្នេយ៍តាមរយៈការកសាងទីក្រុងឆ្លាតវៃដែលបំពាក់ដោយបច្ចេកវិទ្យាខ្សែ blockchain ដែល ចាប់ផ្តើមជាមួយនឹងគម្រោងអភិវឌ្ឍន៍ប្រើដីទំហំ ១០០ ហិកតានៅចំបេះដូងនៃរាជធានីភ្នំពេញ។ Limestone Network ត្រូវបានបង្កើតឡើងនៅខែធ្នូឆ្នាំមុន ដោយសហគ្រិនសិង្ហបុរីឈ្មោះ Eddie Lee អាយុ ៣៩ ឆ្នាំ ដែលជាអនុប្រធាននៃសមាគមសឹង្ហបូរីផងដែរ។
យោងតាមគេហទំព័រ Tech in Asia ការចាប់ផ្តើមនៃការអនុវត្តន៍នេះនឹងមានការចូលរួមសាងសង់គម្រោងអភិវឌ្ឍន៍ចម្រុះដែលមានទំហំ ១០០ ហិកតានៅកណ្តាលនៃរាជធានីនៃប្រទេសកម្ពុជា។ គម្រោងនេះនឹងរួមបញ្ចូលទាំងគេហដ្ឋានអគារការិយាល័យ ផ្សារទំនើប ហាងលក់រាយ សាលារៀន និងមជ្ឈមណ្ឌលសន្និបាតមហិមា ដែលទាក់ទាញអាជីវកម្មចំនួន ១ ម៉ឺន និងប្រជាជនជិត ២ សែននាក់។
អ្នកស្នាក់នៅ និងកម្មករទាំងអស់នឹងត្រូវបានផ្តល់“ លិខិតឆ្លងដែនឌីជីថល” ដែលនឹងអនុញ្ញាតឱ្យពួកគេអាចចូលមើលបានគ្រប់លក្ខណៈទាំងអស់នៃកម្មវិធី Limestone បន្ទាប់ពីបានផ្ទៀងផ្ទាត់យ៉ាងហ្មត់ចត់។ ក្នុងចំណោមនោះ អ្នកកាន់លិខិតឆ្លងដែនឌីជីថល នឹងអាចធ្វើការទិញឌីជីថលនិងផ្លាស់ប្តូរពីអាគារមួយទៅអាគារមួយនៅក្នុងទីក្រុងឆ្លាតវៃនេះ។ បន្ទាប់ពីប្រទេសកម្ពុជា Limestone Network គ្រោងនឹងសាងសង់ទីក្រុងឆ្លាតនៅផ្នែកផ្សេងទៀតនៃអាស៊ីអាគ្នេយ៍រួមមាន ម៉ាឡេស៊ី ហ្វីលីពីន និងសិង្ហបុរី។
|
