លោក នូ សារី កើតនៅឆ្នាំ ១៩៧២ នៅខេត្តកណ្តាល ដែលជាខេត្តនៅភាគខាងត្បូងនៃប្រទេសកម្ពុជា។ គាត់ជាសិល្បករខ្មែរដែលមានទេពកោសល្យជាច្រើនដូចជា ផ្នែកគំនូរ ការថតរូប និងរូបចម្លាក់ដើម្បីអបអរវប្បធម៌ខ្មែរ។ របបខ្មែរក្រហម បានបំផ្លិចបំផ្លាញ និងគ្មានបន្សល់ទុកនូវសូម្បីតែ គ្រួសាររបស់គាត់ ហើយជាលទ្ធផលគាត់បានចំណាយពេលនៅកុមារភាពរបស់គាត់នៅមណ្ឌលកុមារកំព្រា។ ភាពជោគជ័យរបស់គាត់នៅក្នុងឧស្សាហកម្មសិល្បៈគឺជានិមិត្តរូបនៃភាពអត់ធ្មត់របស់គាត់។នៅឆ្នាំ ១៩៩៩ សារីបានទទួលសញ្ញាប័ត្រផ្នែកសិល្បៈហើយបានចាប់ផ្តើមធ្វើការនៅក្នុងវិចិត្រសាលនៅ
ស្ថានទូតបារាំងនៅភ្នំពេញដែលផ្តល់ឱកាសអោយលោកបាន ចូលរួមសិក្ខាសាលា និងរៀនសូត្រពី សិល្បករផ្សេងៗ ។ នៅឆ្នាំ ២០០០ គាត់ត្រូវបានឧបត្ថម្ភដោយស្ថានទូតបារាំងដើម្បីចូលរួមសិក្ខាសាលារយៈពេល ៣ ខែនៅទីក្រុងប៉ារីសជាមួយ Philippe Richard ហើយក្រោយមកត្រូវបានគេផ្តល់ អាហារូបករណ៍ដើម្បីបន្តការសិក្សាសិល្បៈរបស់គាត់នៅវិទ្យាល័យសិល្បៈនិងរចនាជាន់ខ្ពស់នៅប្រទេសបារាំង។ នៅពេលកញ្ចប់ឧបត្ថមបានបញ្ចប់ក្នុងឆ្នាំ ២០០៣ គាត់បានបំពេញការងារជាចុងភៅនៅក្នុងភោជនីយដ្ឋានជប៉ុនដើម្បីផ្គត់ផ្គង់ដលើការសិក្សារបស់គាត់រហូតដល់ទទួលបានសញ្ញាប័ត្រវិចិត្រសិល្បៈនៅឆ្នាំ ២០០៦ ។
គាត់បានត្រឡប់មកភ្នំពេញវិញនៅឆ្នាំ ២០១៣ ។ រូបភាពរស់រវើករបស់គំនូរគាត់ ការបង្ហាញបែបអរូបីយ និងសិល្បៈសហសម័យដែលវិលជុំវិញសោកនាដកម្មកន្លងមក រួមជាមួយនឹងការអបអរក្តីសង្ឃឹម និងចំណង់ចំណូលចិត្តចំពោះធម្មជាតិ។ ដូច្នេះ លោក នូ សារី ត្រូវបានផ្តល់ងារជា“ សិល្បករឆ្នើម” ដំបូងបង្អស់នៅកម្ពុជា។ ស្នាដៃសិល្បៈដ៏ល្អរបស់គាត់គឺ“ “Harvest Alone”, “Threshing Time” និង “In the Morning”ដែលបានចាប់យកខ្លឹមសារនៃគុណសម្បតិ្តធម្មជាតិ និងការពិពណ៌នាអំពីដំណើរជីវិតពិត របស់ប្រទេសកម្ពុជាក្នុងរដូវច្រូតកាត់។ ស្នាដៃទាំងអស់របស់គាត់ទទួលបានការទទួលស្គាល់និងកោតសរសើរទូទាំងពិភពលោក។
|