ទីផ្សារអចលនទ្រព្យនៅកម្ពុជាមាន “ស្ថេរភាព” សម្រាប់ឆ្នាំ ២០២០

គេរំពឹងថាស្ថានភាពទីផ្សារអចលនទ្រព្យក្នុងព្រះរាជាណាចក្រកម្ពុជានឹងបន្តមានស្ថេរភាពល្អនៅឆ្នាំនេះ។ យោងតាមអ្នកជំនាញផ្នែកអចលនទ្រព្យបាននិយាយថា​ទីផ្សារបង្ហាញសញ្ញានៃភាពរឹងមាំនៅឆ្នាំនេះទោះបីមានហានិភ័យនិង ការគំរាមកំហែងដ៏ដោយ។ទីផ្សារហាក់ដូចជាមានភាពចាស់ទុំនិងកំពុងអភិវឌ្ឍក្នុងទិសដៅវិជ្ជមាន។

ការអភិវឌ្ឍលំនៅដ្ឋានដែលមានតំលៃសមរម្យ បដិសណ្ឋារកិច្ច និងការអភិវឌ្ឍន៍ពាណិជ្ជកម្មដែលមានគុណភាពខ្ពស់ទំនងជានឹងក្លាយជាចំណុចផ្តោតសំខាន់សម្រាប់ឆ្នាំ ២០២០ ។ យោងតាមការធ្វើវាយតំលៃស្ថានភាពទីផ្សាររាជធានីភ្នំពេញក្នុងត្រីមាសទី៣ របស់ក្រុមហ៊ុន CBRE បានអោយដឹងថា ដំណើរការគម្រោងខុនដូថ្មីដែលគ្រោងនឹងបើកដំណើរការចំនួន ៩ មានចំនួនសរុប ៥.១៤០ យូនីត។

ភាគច្រើននៃគំរោងថ្មីៗទាំងនោះ គឺផ្តោតទៅលើក្រុមអតិថិជនដែលមានកំរិតប្រាក់ចំណូលក្រោមធម្យមដែលមានចំនួន ប្រហែល ៥២ ភាគរយ (ប្រហែល ២៧០០ យួនីត) នៃចំនួនគំរោងថ្មីសរុបទាំងអស់។ ចំណែកគំរោងដែលផ្តោតលើក្រុមអតិថិជនដែលមានកំរិតប្រាក់ចំណូលខ្ពស់គឺមានចំនួន ៣២ ភាគរយនិង រិតប្រាក់ចំណូលមធ្យមចំនួន​ ១៦ ភាគរយ។