បណ្ណាល័យបំផុសគំនិតបានចាប់បើកជាសាធារណៈហើយ និងកំពុងតែស្វាគមន៏សាធារណៈជនមកចូលរួមអានសៀវភៅល្អៗដែលមាននៅក្នុងបណ្ណាល័យនេះ។
បណ្ណាល័យនេះមានទីតាំងស្ថិតនៅក្នុងFactory Phnom Penh ដែលជាសាលពហុមុខងារធំបំផុតនៅក្នុងរាជធានី បណ្ណាល័យនេះមានម៉ោងប្រតិបត្តិការចាប់ពីថ្ងៃច័ន្ទ ដល់ ថ្ងៃសុក្រ ចាប់ពីម៉ោង ៨ព្រឹក ដល់ម៉ោង ៥ល្ងាច។ គោលបំណងនៃការបើកបណ្ណាល័យនេះគឺដើម្បីលើកទឹកចិត្តក្មេងជំនាន់ក្រោយឱ្យមានការអានកាន់តែច្រើន។
ដើម្បីទាក់ទាញពួកគេនិងធ្វើឱ្យការអានកាន់តែមានផាសុកភាពនោះ បណ្ណាល័យនេះត្រូវបានបំពាក់ដោយគ្រឿងសង្ហារឹមសិល្បៈប្រណីតៗ ដូចជាសាឡុងដ៏ធំ តុសន្និសីទខ្នាតតូច និងជម្រើសកៅអីទាំងអស់ដែលត្រូវបានរចនាឡើងដើម្បីតម្រូវការអានរយៈពេលយូរ។
លើសពីនេះទៀត ក៏មានការផ្តល់ជូននូវការជាវសមាជិកភាពផងដែរ ដោយគិតថ្លៃសេវា១០០០០ រៀល (២,៥ ដុល្លារ) ជារៀងរាល់ឆ្នាំ ក៏ដូចជាមានកម្មវិធីផ្លាស់ប្តូរសៀវភៅប្រចាំខែផងដែរ។ បណ្ណាល័យនេះក៏ស្វាគមន៍អំណោយជាសៀវភៅពីសាធារណៈជនផងដែរ។
|