សាលាអន្តរជាតិ Shrewsbury International School Phnom Penh នឹងបើកដំណើរការនៅត្រីមាសទី៣ក្នុងឆ្នាំនេះ
សាលា Shrewsbury ដែលជាសាលាឯករាជ្យឈានមុខគេមួយមកពីចក្រភពអង់គ្លេស គ្រោងនឹងបើកជាផ្លូវការក្នុងទីក្រុងភ្នំពេញ នាខែកញ្ញា ឆ្នាំ២០២២ខាងមុខនេះ។ ជាផ្នែកមួយនៃការរៀបចំសម្រាប់ការបើកដំណើរជាផ្លូវការ សាលាអន្តរជាតិ Shrewsbury រាជធានីភ្នំពេញ បានរៀបចំការធ្វើតេស្ត IQ ដោយមានគោលបំណងផ្តល់អាហារូបករណ៍សម្រាប់សិស្ស ដោយផ្អែកលើលទ្ធផលសាកល្បងរបស់ពួកគេ ។
លោក Charles Wong សហស្ថាបនិកនិងជានាយកប្រតិបត្តិនៃសាលាអន្តរជាតិ Shrewsbury ភ្នំពេញ ពន្យល់ថា 
 
«ឪពុកម្តាយនិងអាណាព្យាបាលជនជាតិខ្មែរ និងបរទេសជាច្រើននាក់បាននាំកូនៗរបស់ពួកគាត់ទៅធ្វើតេស្ត IQ ដែលធ្វើឡើងដោយសាលាអន្តរជាតិ Shrewsbury ហើយបានបង្ហាញចំណាប់អារម្មណ៍លើទស្សនវិជ្ជានៃការបង្រៀនរបស់សាលា ពួកគាត់មានការរំភើបយ៉ាងខ្លាំងចំពោះសាលាដ៏ល្បីលើពិភពលោកមួយនេះដែលបើកទ្វារនៅកម្ពុជា។»
ឪពុករបស់សិស្សពីរនាក់បាននិយាយថា 

«មើលលើគេហទំព័ររបស់សាលា Shrewsbury ខ្ញុំគិតថាសាលាអន្តរជាតិ Shrewsbury ភ្នំពេញ នឹងក្លាយជាសាលាដ៏ល្អមួយ ព្រោះសាលាមិនត្រឹមតែមានកម្មវិធីសិក្សាដ៏គួរឱ្យចាប់អារម្មណ៍ប៉ុណ្ណោះទេ ប៉ុន្តែគាត់ជឿជាក់លើការអប់រំតាមរយៈការយកចិត្តទុកដាក់ និងការថែទាំខ្ពស់ទៅលើបុគ្គលម្នាក់ៗ។ សមាមាត្រនៃចំនួនគ្រូធៀបទៅនឹងចំនួនសិស្សគឺមិនអាចប្រៀបធៀបជាមួយ សាលាអន្តរជាតិផ្សេងទៀតនៅក្នុងប្រទេសកម្ពុជាបានឡើយ ហើយការធ្វើតេស្ត IQ របស់ពួកគេក៏ជាគំនិតថ្មីមួយសម្រាប់វិស័យអប់រំរបស់ប្រទេសកម្ពុជា។ ក្នុងនាមខ្ញុំជាឪពុក ខ្ញុំពេញចិត្តនឹងការធ្វើតេស្តIQ ខ្លាំងណាស់ វាអាចឱ្យយើងយល់បានកាន់តែច្បាស់អំពីការអភិវឌ្ឍន៍ផ្លូវចិត្ត និងតម្រូវការទៅលើការសិក្សារបស់កុមារ។»
មាតាជនជាតិជប៉ុនរបស់សិស្សម្នាក់បានយល់ស្របថា

«សាលា Shrewsbury គឺជាសាលាដ៏ល្បីមួយដែលមានកេរ្តិ៍ឈ្មោះល្អជាអន្តរជាតិ។ ដូច្នេះ​វា​ជា​ឱកាស​ដ៏​ល្អ​មួយ​សម្រាប់​កុមារ​ដែល​បាន​ចូលរួម​ក្នុង​សកម្មភាព​ផ្តល់​អាហារូបករណ៍​ថ្ងៃនេះ។ ខ្ញុំ​មក​ពី​ប្រទេស​ជប៉ុន ប៉ុន្តែ​សូម្បី​តែ​នៅ​ប្រទេស​ជប៉ុន​ក៏​ពិបាក​ក្នុង​ការ​ស្វែង​រក​សាលា​អន្តរជាតិ​ដែល​មាន​ស្តង់ដារ​ដូច​សាលា Shrewsbury ដែរ។»
លោក Messchendorf នាយកការិយាល័យចុះឈ្មោះសិស្ស នៅសាលាអន្តរជាតិ Shrewsbury ភ្នំពេញ ពន្យល់ថា

«សាលា Shrewsbury មិនត្រឹមតែជាសាលាឯករាជ្យដ៏មានកិត្យានុភាពនៅក្នុងចក្រភពអង់គ្លេសប៉ុណ្ណោះទេ ថែមទាំងជាសាលាអន្តរជាតិដ៏គួរឱ្យកោតសរសើរផងដែរ។ សាលាអន្តរជាតិ Shrewsbury នៅទីក្រុងបាងកក គឺជាសាលាអន្តរជាតិឈានមុខគេមួយនៅអាស៊ីអាគ្នេយ៍ និងទទួលបានជោគជ័យយ៉ាងខ្លាំងនៅក្នុងប្រទេសថៃ។»
សាលា Shrewsbury ត្រូវបានបង្កើតឡើងក្នុងឆ្នាំ១៥៥២។ ចាប់តាំងពីសតវត្សទី១៩ វាត្រូវបានទទួលស្គាល់ជាផ្លូវការថាជាសាលាមួយក្នុងចំណោមសាលាឯករាជ្យដ៏អស្ចារ្យទាំងប្រាំពីរនៅក្នុងចក្រភពអង់គ្លេស។ សាលាមតេយ្យ Shrewsbury International School Phnom Penh នឹងបើកដំណើរការជាផ្លូវការនៅខែកញ្ញា ឆ្នាំ២០២២ ចំណែកសាលាបឋមសិក្សា និងមធ្យមសិក្សាគ្រោងនឹងបើកនៅឆ្នាំ២០២៤ខាងមុខ។
ទស្សនាវីដេអូ: https://fb.watch/dvc0OnaChX/
 

MERIDIAN INTERNATIONAL HOLDING

Flatiron by Meridian, Unit FO-1401, Street 102
Phnom Penh City Center, Phum 1, Sangkat Srah Chak
Khan Daun Penh, Phnom Penh, Cambodia
__________________________________

Want to change how you receive these emails?
You can update your preferences or unsubscribe from this list.