|
លោកនាយករដ្ឋមន្ត្រី ហ៊ុន សែន និងសមភាគីថៃ ឧត្តមសេនីយ៍ ប្រាយុទ្ធ ចាន់អូចា បានពិភាក្សាគ្នាអំពីវិធានការជាក់ស្តែង ដើម្បីជំរុញការផ្លាស់ប្តូរពាណិជ្ជកម្មទ្វេភាគី ដោយមានគោលដៅឈានដល់ ១៥ពាន់លានដុល្លារក្នុងរយៈពេលពីរឆ្នាំ។
នាយករដ្ឋមន្ត្រីទាំងពីរបានសម្តែងការពេញចិត្តចំពោះការកើនឡើងនៃការផ្លាស់ប្តូរពាណិជ្ជកម្មទ្វេភាគី បើទោះបីជាមានបញ្ហាប្រឈមដែលបណ្តាលមកពី Covid-19 និងកិច្ចសហប្រតិបត្តិការទ្វេភាគីផ្សេងទៀតក៏ដោយ។
លោក ហ៊ុន សែន ក៏បានស្នើឲ្យភាគីថៃទិញអង្ករកម្ពុជាបន្ថែមទៀត និងសម្រួលនីតិវិធីសម្រាប់ការនាំចូលកសិផលកម្ពុជាបន្ថែមទៀតទៅប្រទេសថៃ»។
លោក ហ៊ុន សែន និងលោក ចាន់ អូចា ក៏បានឯកភាពគ្នាក្នុងការផ្តល់ភារកិច្ចដល់អាជ្ញាធរពាក់ព័ន្ធក្នុងការពន្លឿនការបើកច្រកទ្វារព្រំដែនអន្តរជាតិស្ទឹងបត់-បានណងអៀន និងការបើកស្ពានមិត្តភាពឲ្យបានឆាប់។ ពួកគាត់ក៏បានណែនាំដល់អាជ្ញាធររៀងៗខ្លួន ឱ្យអនុវត្តកិច្ចព្រមព្រៀង ពាក់ព័ន្ធនឹងការជំរុញការអភិវឌ្ឍន៍តំបន់ព្រំដែន។
នាយករដ្ឋមន្ត្រីទាំងពីរបានសង្កត់ធ្ងន់លើសារៈសំខាន់នៃការពង្រឹងកិច្ចសហប្រតិបត្តិការលើវិស័យអប់រំ ការអភិវឌ្ឍធនធានមនុស្ស ការពារជាតិ និងសន្តិសុខ ទេសចរណ៍ ការតភ្ជាប់ផ្លូវដែក ថាមពលស្អាត និងការប្រយុទ្ធប្រឆាំងនឹងឧក្រិដ្ឋកម្មឆ្លងដែន ដូចជាការឆ្លងព្រំដែនខុសច្បាប់ និងការជួញដូរមនុស្សជាដើម។
លោក ហ៊ុន សែន និងលោក ចាន់ អូចា ក៏បានផ្លាស់ប្តូរយោបល់លើបញ្ហាប្រឈមរបស់អាស៊ាន និងលើបញ្ហាតំបន់ និងអន្តរជាតិផ្សេងៗ ដែលជាកង្វល់រួម។
ពាណិជ្ជកម្មទំនិញទ្វេភាគីរវាងកម្ពុជានិងថៃ ក្នុងខែមករា ដល់ខែកញ្ញា មានចំនួន ៣.៦២៧ ពាន់លានដុល្លារ កើនឡើង ២៧.២១ ភាគរយ ធៀបនឹងឆ្នាំមុន នេះបើយោងតាម អគ្គនាយកដ្ឋានគយ និងរដ្ឋាករកម្ពុជា។
|
