យើងជាក្រុមហ៊ុនចម្រុះជាតិសាសន៍មួយដែលមានបទពិសោធន៍ប្រតិបត្តិការលើវិស័យកាត់ដេរសម្លៀកបំពាក់ ការអភិវឌ្ឍន៍ ការគ្រប់គ្រង និងការវិនិយោគលើវិស័យអចលទ្រព្យជាង៣០ឆ្នាំមកហើយ។
ចាប់តាំងពីមានវត្តមានលើកដំបូង ក្រុមហ៊ុន Meridian International Holdings (MIH) បានកសាងតម្លៃខ្លួនដើម្បីក្លាយជាក្រុមហ៊ុនល្អដាច់គេនៅក្នុងគ្រប់វិស័យដែលខ្លួនបាននិងកំពុងធ្វើប្រតិបត្តិការ។
គោលការណ៍ជាមូលដ្ឋានគ្រឹះនៃប្រតិបត្តិការប្រកបដោយតម្លាភាពរបស់យើងសម្រាប់បុគ្គលិក ម្ចាស់ភាគហ៊ុន ដៃគូរពាណិជ្ជកម្ម និងអតិថិជន ត្រូវបានទទួលស្គាល់ដោយអតិថិជនជាច្រើន និងរក្សាបានទំនាក់ទំនងល្អជាមួយគ្នាអស់រយៈពេលជាច្រើនឆ្នាំកន្លងមកនេះ។
វប្បធម៌នៃសុច្ចរិតភាព និងមហិច្ចតា បានលាយបញ្ចូលគ្នានៅក្នុងគ្រប់បុគ្គលិកប្រកបដោយវិជ្ជាជីវៈរបស់យើង ដែលពួកគេត្រូវបានបណ្តុះបណ្តាលឲ្យក្លាយជាបុគ្គលឆ្នើមក្នុងការងារដែលពួកគេកំពុងធ្វើ និងសំខាន់ជាងនេះទៅទៀត គឺការផ្តោតសំខាន់ទៅលើអតិថិជនជាចម្បង។
ជាច្រើនឆ្នាំកន្លងមកនេះ ក្រុមហ៊ុន MIH បានទទួលការរីកចម្រើនយ៉ាងខ្លាំងក្លាតាមរយៈយុទ្ធសាស្រ្តចម្រុះ និងការខិតខំជាលក្ខណៈសកល ដោយបានផ្សារភ្ជាប់និងបង្កើតបណ្តាញការិយាល័យនៅអ៊ឺរ៉ុប អាហ្វ្រិច ចិន សាំងហ្កាពួរ និងក្នុងប្រទេសកម្ពុជា។
នៅប្រទេសកម្ពុជា ក្រុមហ៊ុនយើងបានក្លាយខ្លួនជាសហគ្រាស អ្នកនាំចេញ និងក្រុមហ៊ុនដ៏មានកេរ្ត៍ឈ្មោះមួយ ដែលមានបុគ្គលិកជាង១០០០នាក់។ ក្រុមហ៊ុនMIH មានទំនុកចិត្ត និងការប្តេជ្ញាចិត្តខ្ពស់ក្នុងការវិនិយោគក្នុងប្រទេសកម្ពុជា ដោយបានបណ្តាក់ទុកវិនិយោគជាង២០០លានដុល្លារសហរដ្ឋអាមេរិកទៅលើគម្រោងអភិវឌ្ឍន៍នានា ដែលរួមមានរោងចក្រផលិតសម្លៀកបំពាក់ម៉ាកល្បីៗអន្តរជាតិសម្រាប់ផ្គត់ផ្គង់ដល់អតិថិជនចម្រុះជាតិសាសន៍ សួនឧស្សាហកម្ម អគារស្នាក់នៅ និងអគារពាណិជ្ជកម្មថែមទៀតផង។
ការគ្រប់គ្រងគុណភាពដ៏តឹងរឹងរបស់យើង និងដំណើរការនៃការគ្រប់គ្រងអគារ បានស្តែងចេញតាមរយៈប្រព័ន្ធគ្រប់គ្រងតាមបែបពីលើមកក្រោមក្នុងរាល់ប្រតិបត្តិការនៃអចលទ្រព្យរបស់យើង រួមមានការគ្រប់គ្រងសំណង់ ការគ្រប់គ្រងនិងថែទាំអគារ និងបដិសណ្ឋារកិច្ច។
យុទ្ធសាស្ត្រសម្រាប់បដិសណ្ឋារកិច្ច និងសេវាកម្មលំនៅដ្ឋាន គឺជាចំណុចសំខាន់នៃការផ្តល់ជូនរបស់យើង ដែលក្នុងនោះរួមបញ្ចូលទាំង ភាពជាដៃគូរសហការ និងការបង្កើតឡើងនូវម៉ាកយីហោដែលទទួលបានពានរង្វាន់ខ្នាតអន្តរជាតិ។
ការប្តេជ្ញាចិត្តរបស់ក្រុមហ៊ុនក្នុងការបន្តឲ្យកាន់តែរីកចម្រើននៃផលិតផលនិងសេវាកម្មរបស់យើង ដោយនាំមកនូវបច្ចេកវិទ្យាថ្មីៗ ក៏ដូចជាការប្រើប្រាស់មធ្យោបាយថ្មីៗប្រកបដោយប្រសិទ្ធភាព ដើម្បីឈានមុនគេទៅលើវិស័យដែលខ្លួនកំពុងធ្វើប្រតិបត្តិការ។
យើងត្រូវបានឆ្លុះបញ្ចាំងដោយពាក្យស្លោកមួយគឺ អ្វីដែលអ្នកឃើញ គឺអ្វីដែលអ្នកនឹងទទួលបាន ដោយទទួលបានកម្លាំងពីក្រុមការងារប្រកបដោយថាមពល និងមានភាពបត់បែន។ ម៉ាកយីហោ MIH នឹងត្រូវពង្រីកវិសាលភាពឲ្យកាន់តែធំនៅប៉ុន្មានឆ្នាំខាងមុខនេះ។
ក្នុងនាមយើងជាអ្នកអភិវឌ្ឍន៍អចលនទ្រព្យប្រណិតឈានមុខគេមួយនៅក្នុងប្រទេសកម្ពុជា ក្រុមហ៊ុនMeridian International Holdings ផ្តោតសំខាន់ទៅលើការអភិវឌ្ឍន៍អគារពហុមុខងារស្តង់ដារខ្ពស់ ដោយចម្រុះទៅដោយ យូនីតសម្រាប់ស្នាក់នៅ ការិយាល័យធ្វើការ និងហាងទំនិញ។
ក្រុមការងារជំនាញផ្នែករចនាម៉ូត សំណង់ ទីផ្សារនិងផ្នែកលក់ បាននិងកំពុងគ្រប់គ្រងគម្រោងទាំងមូលដោយភាពរលូន រាប់ចាប់ពីការទិញដីសាងសង់ ការគ្រប់គ្រងគម្រោង ការអភិវឌ្ឍន៍គម្រោង ការរចនានិងរៀបចំផលិតផល ទៅដល់ការធ្វើទីផ្សារលក់។
យើងជាក្រុមហ៊ុនអភិវឌ្ឍន៍គម្រោងអចលនទ្រព្យចម្រុះដែលមានភាពឯករាជ្យ
យើងក៏បង្កើតភាពជាដៃគូអាជីវកម្ម និងដៃគូបណ្តាក់ទុនរួមគ្នាសម្រាប់ម្ចាស់ដីដែលប្រើប្រាស់ភាសាដូចគ្នានឹងក្រុមរបស់យើង ក្នុងកិច្ចខិតខំប្រឹងប្រែងដើម្បីរៀបចំផលិតផលរបស់យើងនៅក្នុងទីផ្សារអចលនទ្រព្យដែលកំពុងរីកចម្រើន។
យើងនឹងផ្តល់ជូននូវឱកាសការងារដល់បេក្ខជនដែលមានការប្តេជ្ញាចិត្តខ្ពស់ គំនិតច្នៃប្រឌិត និងមានសមត្ថភាព ដើម្បីចូលរួមជាមួយនឹងក្រុមការងារប្រកបដោយបទពិសោធន៍និងថាមពលរបស់យើង ដោយមានទាំងជនជាតិខ្មែរ និងអន្តរជាតិ ដើម្បីបន្តជម្រុញនិងថែរក្សានូវស្មារតីអភិវឌ្ឍន៍ឈានមុខគេក្នុងទីផ្សាររបស់ក្រុមហ៊ុន MIH។
យើងផ្តល់ជូននូវបរិយាកាសការងារអំណោយផល ដែលនឹងផ្តល់នូវការបណ្តុះបណ្តាល និងអភិវឌ្ឍន៍ ដើម្បីពង្រឹងវិជ្ជាជីវៈនិងសមត្ថភាពផ្ទាល់ខ្លួននៃបុគ្គលិករបស់យើង។
សម្រាប់ឱកាសការងារជាមួយ MIH លោកអ្នកអាចស្វែងរកបានតាមរយៈ៖
ការជូនដំណឹងសំខាន់
សូមអានលក្ខខណ្ឌទាំងអស់ដែលមានខាងក្រោមនេះដោយប្រុងប្រយ័ត្ន។ តាមរយៈការចូលទៅកាន់គេហទំព័រនេះ និងទំព័រណាមួយនៃគេហទំព័រនោះ អ្នកត្រូវបានចាត់ទុកថាបានអាន និងយល់ព្រមតាមលក្ខខណ្ឌខាងក្រោម
គេហទំព័រនេះត្រូវបានផ្តល់ជូន "ដូចដែលមាន" ដោយមិនជាតំណាង ឬការធានាណាមួយ ការបង្ហាញ ឬការបង្កប់ន័យណាមួយនោះឡើយ។ Meridian International Holding មិនជាតំណាង ឬអ្នកធានាទាក់ទងនឹងគេហទំព័រនេះ ឬព័ត៌មាន និងសម្ភារៈដែលបានផ្តល់នៅលើគេហទំព័រនេះទេ។
ដោយមិនមានបុរេវិនិច្ឆ័យចំពោះភាពទូទៅនៃកថាខណ្ឌខាងលើ ក្រុមហ៊ុន Meridian International Holding មិនធានាថា៖ គេហទំព័រនេះនឹងមានជាប់ជានិរន្ត ឬអាចស្វែងរកបាននោះឡើយ ឬមិនធានាថា៖ ព័ត៌មាននៅលើគេហទំព័រនេះគឺពេញលេញ ពិត ត្រឹមត្រូវ ឬមិនបំភាន់នោះឡើយ។
គ្មានអ្វីនៅលើគេហទំព័រនេះត្រូវបានបង្កើតឡើង ឬមានគោលបំណងបង្កើតជាដំបូន្មានគ្រប់ប្រភេទនោះឡើយ។ ក្រុមហ៊ុន Meridian International Holding នឹងមិនធានាខុសត្រូវចំពោះលោក/លោកស្រី (មិនថានៅក្រោមច្បាប់ទំនាក់ទំនង ច្បាប់រដ្ឋប្បវេណី ឬច្បាប់ផ្សេងៗទៀត) ទាក់ទងនឹងខ្លឹមសារ ឬការប្រើប្រាស់ផ្សេងៗជាដើម ពាក់ព័ន្ធនឹងគេហទំព័រនេះ៖
ទំនួលខុសត្រូវដែលមិនត្រូវបានរាប់បញ្ចូល
សម្រាប់ការប៉ះពាល់ ឬបាត់បង់ដោយប្រយោល ដោយលក្ខណៈពិសេស ឬផលវិបាកនៃការបាត់បង់
ឬការបាត់បង់លើអាជីវកម្ម ការបាត់បង់ប្រាក់ចំណូល ផលចំណេញ ប្រាក់សន្សំ ការបាត់បង់កិច្ចព្រមព្រៀង ឬទំនាក់ទំនងអាជីវកម្ម ការបាត់បង់កិត្តិយស ឬឆន្ទះ ឬការបាត់បង់ព័ត៌មានឬទិន្នន័យ
ដែនកំណត់នៃការទទួលខុសត្រូវទាំងនេះនឹងនៅតែត្រូវអនុវត្ត បើទោះបីជាក្រុមហ៊ុន Meridian International Holding បានណែនាំយ៉ាងច្បាស់អំពីចំណុចសក្តានុពលនៃការបាត់បង់ក៏ដោយ។
តំណភ្ជាប់ទៅកាន់គេហទំព័រភាគីទីបី
គេហទំព័រនេះអាចមានតំណភ្ជាប់ទៅកាន់គេហទំព័រផ្សេងទៀតដែលមិនស្ថិតនៅក្រោមការគ្រប់គ្រង និងមិនត្រូវបានថែរក្សាដោយក្រុមហ៊ុន Meridian International Holding។ ហើយខ្លឹមសារ មតិ និងតំណភ្ជាប់ផ្សេងទៀតដែលផ្តល់ដោយគេហទំព័រទាំងនេះមិនត្រូវបានស៊ើបអង្កេត ផ្ទៀងផ្ទាត់ ឬត្រួតពិនិត្យដោយក្រុមហ៊ុន Meridian International Holding ទេ។ Meridian International Holding នឹងមិនទទួលខុសត្រូវចំពោះខ្លឹមសារ មតិ ឬតំណភ្ជាប់ផ្សេងទៀតដែលមាននៅក្នុងគេហទំព័រដែលបានភ្ជាប់ណាមួយ ឬការផ្លាស់ប្តូរ ឬការធ្វើបច្ចុប្បន្នភាពណាមួយឡើយ។ តំណភ្ជាប់បែបនេះត្រូវបានផ្តល់ជូនគ្រាន់តែជាភាពងាយស្រួលមួយប៉ុណ្ណោះ ហើយការដាក់បញ្ចូលតំណភ្ជាប់បែបនេះមិនមែនជាការយល់ព្រមដោយក្រុមហ៊ុន Meridian International Holding លើគេហទំព័រ ឬខ្លឹមសារនៅក្នុងនោះទេ ។ លោក/លោកស្រីនឹងត្រូវបានគេជូនដំណឹងថារាល់ការចូលប្រើប្រាស់ដោយលោក/លោកស្រីក្នុងគេហទំព័រដែលបានភ្ជាប់បែបនេះគឺស្ថិតនៅក្នុងហានិភ័យផ្ទាល់ខ្លួន។
បទប្បញ្ញត្តិដែលមិនអាចអនុវត្តបាន។
ប្រសិនបើចំណុចឬប្រយោគណាមួយនៅក្នុងចំណុច "ការបដិសេធ" នៃគេហទំព័រនេះ ឬត្រូវបានរកឃើញថាមិនអាចអនុវត្តបាននៅក្រោមច្បាប់ វានឹងមិនប៉ះពាល់ដល់ការអនុវត្តនៃបទប្បញ្ញត្តិផ្សេងទៀតនៃគេហទំព័រនេះទេ។
ការបញ្ជូនមតិ និងព័ត៌មាន
រាល់មតិកែលម្អ និងព័ត៌មានដែលបានដាក់ជូន Meridian International Holding នៅលើគេហទំព័រនេះ (មិនថាតាមអ៊ីមែល ឬបណ្តាញផ្សេងទៀត) នឹងត្រូវចាត់ទុកថាមិនមែនជាការសម្ងាត់ ហើយនឹងក្លាយជាកម្មសិទ្ធិរបស់ Meridian International Holding ដែលនឹងមានសិទ្ធិប្រើប្រាស់មតិកែលម្អ និងព័ត៌មានទាំងនោះនៅលើមូលដ្ឋានគ្មានដែនកំណត់សម្រាប់គោលបំណងណាមួយ (រួមទាំងគ្មានដែនកំណត់ទៅលើការផលិតឡើងវិញ ការបង្ហាញដល់ភាគីទីបី ការបញ្ជូន ការបោះពុម្ពផ្សាយ ការផ្សាយ និងទាក់ទងនឹងការអភិវឌ្ឍន៍ ទីផ្សារ និងការផ្សព្វផ្សាយគ្រឿងបរិក្ខារ ផលិតផល ឬសេវាកម្មណាមួយ)។ សូមជម្រាបជូនថាក្រុមហ៊ុន Meridian International Holding នឹងមិនស្ថិតនៅក្រោមកាតព្វកិច្ចនៃការរក្សាការសម្ងាត់ណាមួយដែលទាក់ទងនឹងការបញ្ចេញមតិ និងមិនផ្តល់ការធានាថាគំនិត ចំណេះដឹង ដំណើរការ ឬបច្ចេកទេសណាមួយដែលមាននៅក្នុងមតិកែលម្អ ឬព័ត៌មានដែលបានដាក់ជូន Meridian International Holding នឹងត្រូវបានចាត់ទុក ជាកម្មសិទ្ធិ ឬការសម្ងាត់នោះឡើយ។
ពាណិជ្ជសញ្ញា
Meridian International Holding និងក្រុមហ៊ុនបុត្រសម្ព័ន្ធរបស់ខ្លួន, ក៏ដូចជាសាខា, អ្នកម៉ៅការ និង/ឬសាជីវកម្មដែលចូលរួម គឺជាម្ចាស់កម្មសិទ្ធិនៃពាណិជ្ជសញ្ញា និងសេវាកម្មដែលបង្ហាញនៅលើគេហទំព័រនេះ ហើយសិទ្ធិទាំងអស់ត្រូវបានរក្សាដោយការគោរពលើពាណិជ្ជសញ្ញា។
គោលការណ៍នៃការរាយការណ៍
គណៈគ្រប់គ្រងត្រូវប្រកាន់ខ្ជាប់នូវស្តង់ដារខ្ពស់បំផុតនៃអភិបាលកិច្ចសាជីវកម្ម ហើយរំពឹងថាបុគ្គលិកទាំងអស់នឹងអនុវត្តតាមច្បាប់ និងបទប្បញ្ញត្តិពាក់ព័ន្ធទាំងអស់ ព្រមទាំងគោលនយោបាយផ្ទៃក្នុងរបស់យើង។ បណ្តាញទំនាក់ទំនងសម្រាប់ការផ្តល់ដំណឹងខាងក្រោម គឺសម្រាប់ការរាយការណ៍អំពីភាពមិនសមរម្យណាមួយដែលនាំឱ្យមានការក្លែងបន្លំ អំពើពុករលួយ ការឃុបឃិតជាមួយអ្នកផ្គត់ផ្គង់/អ្នកម៉ៅការ ជម្លោះផលប្រយោជន៍ ការអនុវត្តការងារដែលមិនមានសុវត្ថិភាព ការបំពានយ៉ាងធ្ងន់ធ្ងរលើគោលការណ៍ក្រុមហ៊ុន ឬការបំពានក្រមសីលធម៌អាជីវកម្ម។
"ករណីទាំងអស់ដែលត្រូវបានរាយការណ៍នឹងត្រូវធ្វើការស៊ើបអង្កេត ហើយនឹងមានការធានានូវដំណោះស្រាយសមស្រប ហើយវិធានការវិន័យនឹងត្រូវធ្វើឡើង។ ប្រសិនបើអ្នកមានបំណង
(ក) ដាក់របាយការណ៍/ពាក្យបណ្តឹងនៃការប្រព្រឹត្តមិនត្រឹមត្រូវជាក់ស្តែង ឬសង្ស័យណាមួយដែលបានប្រព្រឹត្តដោយបុគ្គលិករបស់យើង ឬ
(ខ) ផ្តល់មតិកែលម្អទូទៅ ឬធ្វើការសាកសួរលើគោលការណ៍នេះ
លោក/លោកស្រីអាចសរសេរមកតាមរយៈទម្រង់ដែលបានផ្តល់ជូន ហើយផ្ញើរមកយើងតាមអាសយដ្ឋានអ៊ីមែលខាងក្រោម / លេខទំនាក់ទំនង៖ +855 23 900 979"
រក្សាសិទ្ធិគ្រប់យ៉ាងដោយ Meridian International Holding ។
ខ្លឹមសារទាំងអស់ដែលមាននៅលើគេហទំព័រនេះ ដូចជាអត្ថបទ ក្រាហ្វិច ឡូហ្គោ រូបតំណាងប៊ូតុង រូបភាព ឈុតសំឡេងការទាញយកឌីជីថល ការចងក្រងទិន្នន័យ និងកម្មវិធី គឺជាកម្មសិទ្ធិរបស់ meridian.com ឬអ្នកផ្គត់ផ្គង់មាតិការបស់វា ហើយត្រូវបានការពារដោយច្បាប់រក្សាសិទ្ធិនៃប្រទេសកម្ពុជា និងច្បាប់អន្តរជាតិ។ ។ ការចងក្រងខ្លឹមសារទាំងអស់នៅលើគេហទំព័រនេះគឺជាកម្មសិទ្ធិផ្តាច់មុខរបស់ meridian.com និងត្រូវបានការពារដោយច្បាប់រក្សាសិទ្ធិនៃប្រទេសកម្ពុជា និងអន្តរជាតិ។
លោក/លោកស្រី មិនអាចចម្លង បោះពុម្ព ចែកចាយ ឬធ្វើអាជីវកម្មលើខ្លឹមសារនៃគេហទំព័រនេះ ឬប្រើប្រាស់គេហទំព័រនេះសម្រាប់គោលបំណងផ្សេងទៀតឡើយ។ លោក/លោកស្រី យល់ព្រមប្រើប្រាស់គេហទំព័រនេះសម្រាប់គោលបំណងស្របច្បាប់ និងក្នុងលក្ខណៈដែលមិនបំពានសិទ្ធិអ្នកដទៃ ឬមិនត្រូវរឹតបន្តឹង ឬរារាំងការប្រើប្រាស់គេហទំព័រនេះដោយភាគីទីបីណាមួយឡើយ។ ការរឹតបន្តឹង ឬរារាំងនេះរួមមាន (ដោយគ្មានការកំណត់)៖ ការប្រព្រឹត្តដែលមិនស្របច្បាប់ ឬដែលអាចរំខាន ឬបង្កឱ្យមានទុក្ខព្រួយ ឬការរអាក់រអួលដល់បុគ្គលណាម្នាក់ ការបញ្ជូនខ្លឹមសារអាសអាភាស ឬប្រមាថ ឬការប្រមាថមើលងាយពូជសាសន៍ ឬជាតិសាសន៍គ្រប់ប្រភេទ ឬការរំខានដល់លំហូរទូទៅនៃការសន្ទនានៅក្នុងគេហទំព័រនេះ។
